Etiquetas

luns 26 setembro 2016

Coñecendo lugares pretiño da casa

Visitando o Xardín Botánico de Padrón


O venres pasado, un grupo de compañeiros do SADT (Servizo de Atención Diurna Terapéutica) fomos coñecer o Xardín Botánico de Padrón.

Entre árbores e plantas pertencentes a diferentes partes do mundo (Arxentina, Uruguai…) poidemos disfrutar de pequenos camiños que nos trasladaron a ese lugares lonxanos cheos de tranquilidade. Vimos unha palmeira de Senegal, unha árbore de Coral e mesmo un Drago, propio das Illas Canaras. Tamén puidemos disfrutar das diferentes cores dos centos de flores que adornan todo o recinto.

Tralo pequeno paseo polo xardín, disfrutamos dun ratiño de café onde intercambiamos impresións sobre o que vimos nesta visita.
Animádevos a coñecer sitios preciosos que temos ao ladiño.

Ata logo !!!   

mércores 21 setembro 2016

Todos co boccia. Deporte Olímpico!!!

Neste momento no que estamos en plenas paralimpiadas, nós tamén practicamos varios deportes adaptados, un deles é o boccia. Naceu para comprtir persoas con parálise cerebral pero en Sarela, adaptámola un pouquiño a cada persoa usuaria xa que todos nós temos diferentes capacidates e dificultades.
O boccia é un deporte que se parece á petanca. Unha das modalidades é o xogo grupal, hai tamén xogo por parellas. nós aquí sempre xogamos en Equipo. Hai  6 xogadores que se dividen en dous equipos. as dúas persoas que están no medio son os capitáns. Bótase a sorte a persoa que escolle o color das bolas: azul ou vermella. O equipo que escolla a bola vermella será o primeiro en tirar. O obxectivo do xogo consiste en alcanzar co maior número posible de bolas a de cor branco ou bola meta, seguindo o que lle indica o capitán que é quen marca a persoa que tira de cada vez. O turno do equipo a seguir será marcado pola tirada anterior. Sempre tira o equipo que vai perdendo e que ten menos bolas preto da branca.
Tódalas mañáns dos xoves tentaremos xogar con outras entidades, se puidera ser,  para seguir practicando este deporte.



Saúdos

luns 19 setembro 2016

Martes entre libros e películas

Visita guíada pola biblioteca

A semana pasada escollemos o día da mala sorte para visitar a biblioteca Ánxel Casal, o martes 13 deunos boa fortuna porque por fin puidemos comezar as nosas visitas na biblioteca, xa que a semama anterior tiveramos que aplazala debido a ola de calor.
Esta foi a primeira das tres visitas guíadas que temos planeadas, faremolo durante tres martes consecutivos para que todos nós poidamos coñecer as instalacións do edificio e despois martes tras martes poderemos escoller pasar a mañá entre libros e películas.

Salón de actos da biblioteca Ánxel Casal
Para os que non o saibades, a biblioteca Ánxel Casal está en Xoán XXIII, frente a dársena. É un edificio bastante novo con catro zonas diferentes, nas que se pode facer cousas moi diversas, dende actualizarse na hemeroteca ata disfrutar dunha agradable película. Na última planta hai unha marabillosa sala ideal para os máis estudosos, se se aburren de mirar os apuntes sempre poden levantar a vista para contemplar o Monte Pedroso ao fondo.

luns 12 setembro 2016

Dándolle forza ao blog

Xestando novas ideas para o blog

En Sarela a volta das vacacións está sendo lenta, pero paso a paso imos deixando atrás o relax do verán para poñernos a traballar duramente e recibir os cambios de setembro con ansias e ilusión.
Dende o Servicio de Atención Diurna Terapéutica (SADT) propuxémonos, neste novo curso, intensificar o noso traballo neste blog, para amosar todo aquelo que somos capaces de facer. Temos un calendario repleto de novas actividades que nos gustaría compartir con todos vós semana tras semana.

mércores 07 setembro 2016

Estamos de volta!!!

Hola a todos !! Que tal as vacacións?? No Servizo de Atención Diurna Terapéutica Sarela estamos de volta con moitas ganas, ilusión e forzas renovadas.
Estamos a probar actividades novas e formas de traballar moi distintas que xa vos iremos contando.
Nos primeiros días ademáis de contarnos todo o realizado nas vacacións fixemos actividades ao aire libre sempre a primeira hora xa que a calor aínda non apretaba.
Todos tíñamos moitas gañas de vernos.
Saúdos a todos



luns 18 xullo 2016

Seguimos dándoo todo!!!!

Neste mes de xullo seguimos realizando actividades moi divertidas e diferentes. Tódolos luns facemos  psicomotricidade fóra do centro, aproveitando o sol, que se ve tan pouco tempo en Galicia.
O luns pasado fixemos unha carreira de relevos na que tiñamos que levar aos compañeiros unha pelota. Non podíamos saír ata que que o compañeio chegaba e nos daba o relevo. Xogo de cooperación, sen dúbida. Foi moi divertido.
Estamos ademais facendo durante este mes de xullo,  visitas ao viveiro para levarnos a casa,  as nosas macetas coas plantas que nos escollemos.


 Temos tamén o centro moi adornado con motivos veraniegos. Xa vedes. Non paramos!!!!


Texto escrito por Marián Aramburu

mércores 06 xullo 2016

Disfrutando dun pouco de lectura



Seguindo coa nosa paixón pola cultura, está semana estamos a piques de comezar un novo obradoiro de lectura para todos os usuarios. Desenvolvérase todos os mércores pola mañá, de xeito paralelo ao espazo de novas tecnoloxías, para todos aqueles que seguen namorados do formato papel. Os usuarios poderán escoller o tipo de lectura que desexen, dende novelas de aventuras ata revistas do corazón, pasando por xornais xeralistas e deportivos, para aqueles grandes seguidores de fútbol que temos en Sarela.

Marián Aramburu vai a ser unha das que goce desta nova iniciativa, esperamos que as súas espectativas non se vexan defraudadas.



"Agardo que esta experiencia sexa agradable para min e esté chea de cousas novas para todos. Aquí imos ler libros de lecturas de todo tipo, como revistas do corazón, xornais e libros de lectura. Agardo que todos o pasemos moi ben. A min gustaríame ler libros de fantasía, como de aventura ou de misterio. Entre outros moitos, gustáronme especialmente os libros de "El círculo de fuego". Esta saga de libros é algo parecida á de Harry Potter aínda que aquí hai unha protagonista femenina que cambia de acompañante e de aventuras en cada libro ou en cada dous deles, vivindo aventuras diferentes en cada un. Sempre me gustaron os libros de aventuras porque nunca estiven ó cen por cen contenta con este mundo en xeral e estas novelas axúdanme a evadirme da realidade. O malo é que se acaben. Agora vou un momentiño á actividade a ver como é o conto. Xa vos contarei como vai".