Etiquetas

luns 05 decembro 2016

OUTRA CELEBRACIÓN DE CUMPREANOS!!!

Bos días compañeir@s.

Estamos en plena semana da ponte da Constitución, a verdade é que mola moito isto de traballar 3 días. Pero bueno, non vos imos deixar sen algunha das nosas historias.

O venres 25, ademáis de ir ao CGAC e ser o Día Contra a Violencia de Xénero, celebramos, como non, o aniversario dun dos compañeiros, Víctor.

O primeiro de todo, e tralo descanso e a siesta ben merecida, fixemos un xogo por grupos. O xogo consisitía en buscar cancións que tivesen unha palabra dada, por exemplo, que tivese un nome de fruta. Como a nós non nos gusta nada a troula e a música (ironía), o fixemos super ben. Entonamos dende o mítico "Toro namorado da lúa", pasando pola popular "Saia de Carolina" e como non a movida "María" de Ricky Martin, como seu baila incluído.


Un momento durante o xogo das cancións

Tralo momento de quecemento de gorxas cas diferentes cancións, pasamos ao importante da celebración, o momento de soplar as velas e pedir o desexo todo acompañado co internacional "Cumpreanos Feliz". Ademáis, como xa levamos facendo celebracións atrás, houbo unha adaptación especial dun tema para o cumpleañeiro.

O cumpleañeiro cun sorriso de orella a orella xunto con Majo, Terapeuta Ocupacional

Como non, e en toda celebración que se precie, fixemos fotos para o recordo e tomamos un pequeno aperitivo con café e un trociño de croissant, eso sí, integral, por iso de coidar a liña.

E aquí foi todo na celebración do cumpreanos do noso compañeiro Víctor. Moitas felicidades e esperamos que o disfrutase ca súa familia.


A vós, dicirvos que en nadiña teredes noticias nosas.





Un Saúdo e disfrutade desta semana tan diferente.

venres 02 decembro 2016

3 DE DECEMBRO, DÍA INTERNACIONAL DA DISCAPACICDADE


Bo día a tod@s!

Mañán, 3 de Decembro, é o Día Internacional das Persoas con Discapacidade e xa que non nos é alleo, queremos aproveitar para decir ben alto que aínda que temos algunha discapacidade, tamén temos moitas capacidades.

Demostrámolo no noso día a día e para mostra a seguinte foto.

Dous compañeiros con diferentes dificultades, dan o mellor de sí para axudarse un ao outro.

 E aquí nos despedimos esta semana. Que pasedes unha boa fin de semana e os que fagades ponte, disfrutalo.


Unha aperta


mércores 30 novembro 2016

NOVA VISITA CULTURAL: O CENTRO GALEGO DE ARTE CONTEMPORÁNEO

Bos días compañeir@s.

Hoxe imosvos falar da visita que fixemos o pasado 25 de novembro ao CGAC (Centro Galego de Arte Contemporáneo).

O CGAC atópase no centro de Santiago, a carón do Museo do Pobo Galego e do Parque de Santo Domingo de Bonaval.

A visita a tiñamos programada ás 11:00 da mañá, onde a responsable de ensinarnos a exposición estaba esperando por nós na porta.

A exposición tiña como título "CUT THROUGH THE FOG", que significa, "Corte a través da néboa". A autora de dita exposición é EVA LOOTZ, unha artista nacida en Viena pero que xa leva moitos anos no noso país.



Elemento da exposición

Dita exposición ten a finalidade de facer unha crítica á sociedade actual. A "néboa" que nos rodeou durante a visita, fai referencia ao sistema no que vivimos e que, pouco a pouco, fai que as persoas que o conforman , se aillen  e que se perdan a sí mesmos. A artista experimenta con distintos materiais e  xoga co ambiente; fai que este tamén sexa unha obra de arte.

O grupo de Sarela escoitando as explicacións da guía do CGAC
Aínda que en ocasións a arte contemporánea, é complicada de entender, o apoio dunha persoa que nos facilite certas explicacións, axuda a que disfrutemos dela.

Animádevos a visitar o CGAC, que seguro que o ides disfrutar.

Apertas e ata a próxima!!!





luns 28 novembro 2016

DÍA INTERNACIONAL CONTRA A VIOLENCIA DE XÉNERO

Bos días compañeir@s.

O pasado venres, 25 de novembro, foi o Día Internacional contra a Violencia de Xénero. Se algúen tivo a posibilidade de pasear polas rúas de Compostela, puido ver que tanto comercios coma locales de hostelería participaron activimente nesta campaña con camisetas, mandís e carteis onde facían reseñas sobre este tema.

Dende Sarela tamén queremos reivindicar que estamos contra a violencia de xénero e contra calquera tipo de violencia.






Unha aperta e bo comezo de semana.





luns 21 novembro 2016

VISITA AO MUSEO PEDAGÓXICO DE GALICIA

Bos e chuviosos días!!!

Aínda que hoxe o tempo non nos acompaña, comezamos a semana con moita enerxía.

O venres pasado, 18 de novembro, fixemos unha visita ao MUPEGA (Museo Pedagóxico de Galicia) que se atopa na zona de San Lázaro.

Esta vez comezamos a saída polo final, xa que como non tiñamos a visita ata as 11:30, aproveitamos o tempo tomando un cafeciño e charlando.


Á hora da cita chegamos alí e nos recibíu a guía que nos ía amosar todo o que vimos durante o percorrido.

A verdade é que disfrutamos e descubrimos moitas cousas, algunhas descoñecidas para os máis xóvenes, e outras que serviron como recordo para aqueles que xa fai tempo que peinamos canas.

Vimos diferentes xogos populares, a rá, os trompos, bonecas.... e o que máis nos gustou é que hai un espazo onde están representadas as aulas en diferentes épocas da historia, con cada un dos seus detalles.










Recomendamos a todos aqueles que queiran, vistar este museo xa que nós nolo pasamos en grande.


Apertas!!!



mércores 16 novembro 2016

CÓMO NOS VAI A FESTA!!!

 Bos días.

Hoxe traemosvos outra das nosas peripecias. O venres  pasado celebramos conxuntamente o cumpreanos de tres compañeiros (Manuel Paderne, Ana e Susi). Normalmente facémolo o último  venres de mes, pero como en outubro  non foi posible, non nos importou pospoñelo, somos moi festeiros.

Os homenaxeados puideron elexir coma sempre o que facer antes de disfrutar do “guateque”. Neste caso decidiron que unha timba de cartas e dominó sería perfecto.
Ademáis, afinamos as nosas gorxas cantándolle aos compañeiros cancións personalizadas.

Como vedes, tamén tivemos tempo para sacar fotos divertidas coma esta.

Os tres "cumpleañeiros" no photocall

Que cumprades moitos máis e que todos nos o vexamos!!!


                                                                                                                     Parabéns!!! 

luns 14 novembro 2016

Botámoste de menos Laura!!!

Laura no está, Laura se fue… dende fai uns días o que nos queda é cantar por Neck xa que Laura, a voluntaria que nos axudaba a crear noticias coma estas para o Blog, tivo que deixarnos para emprender unha nova aventura por Granada.

Moitas grazas por regalarnos o teu tempo cada luns e axudarnos a contar as nosas historias.
Esperamos que te acolleran moi ben por esos lares e que cando subas a túa terra nos visites.


Apertas!!!